Bâb-ı Sânî: Rîh-i Mesâne Beyânındadır

Transkripsiyon Bâb-ı Sânî: Rîh-i Mesâne Beyânındadır Bu maraz kavukda yel olduğudur. Sebebi zaʻf-ı hazmdan veya nefh tevellüd iden eşyâ istiʻmâl eylemeden yahud balgamdan. Eğer mâddesi balgam ise edhân-ı hârre ile kasığın yağlayub ve mâ-i sezâb ve kızmış kepek ile kasığına natûl ideler. Eğer mâddesi nefh vireni istiʻmâl eylemekden olmuş ise nahve ve kemmûn ve kerefs gibiler ile cüvâriş-i kemmûn misilli ile tahlîl-i riyâh ideler. Mesânenin âlâmından biri dahi hurkatü’l-bevl yaʻnî bevlin kızgınlığıdır. Sebebi hiddet-i bevl veya kesret-i bûrakıyyetdir. Zîrâ mizâc harâreti ve kesret-i safrâ bevli boyar. Yahud mecrâ-yı bev...