Leben*

Süttür. İçi yumuşadır. Ve miʻdede ve bağırsakda yel eyler. Eğer bişürüb yiseler içi kabz ider. Ve içdeki çıbanlara fâide ider. Husûsâ ki boğaz ve öyken düdüğünde olan ve bağırsakda ve bögrekde ve kavukda olan giciğe fâide ide. Eğer kaynatsalar içine kızmış taş bıraksalar yarı kalınca içseler ishâle ve bağırsak çıbanlarına fâide ide. Eğer sığır südünün tazesin içseler ağulu otlar zararın defʻ ide. Eğer koyun ve keçi ve sığır südün kızmış taşla bişürüb içseler bağırsak çıbanlarından olan ishâli katʻ ide. Ve zehiri sâkin ide. Eğer yalunuzca hukne itseler ya arpa suyuyla karışdırub hukne itseler bağırsaklar z...